نقش قدم کامل جلد 2
حضرت مولانا کمال الدین المسترشد صاحب نقش قدم کامل دار التصنیف ۔ جامعہ اسلامیہ کلفٹن کراچی پاکستان دوبندی کتب 223 صفحات
1.5 صفحہ 1 / 223
صفحہ 1 / 223
نقش قدم کامل حصۂ دوم بسم اللہ الرحمن الرحیم حامداً ومصلیاً ومسلماً وبعد: تمہید:۔ حصۂ اولمیں صفات قلب کابیان تھا اور اس حصہ میں ان افعال کا ذکر ہوگا جن کا زیادہ ترتعلق جوارح (ظاہری اعضاء) سے ہے گو ان کے محرکات قلب میں ہیں کہ جوارح ارادہ قلب کے تابع رہتے ہیں ‘ ان دونوں میں اگر چہ کبھی کبھار اختلاف عمل ہوسکتاہے تاہم فلاح ابدی کے لئے دونوں کا ان اوصاف وافعال پر باہم متفق ہونا ضروری ہے جن سے متصف ہونے اور ان پر عمل کرنے میں باری تعالیٰ کی رضامندی اور خوشنودی مضمر ہے اسی کا نام ہے عبودیت یہی وہ مضمون ہے جس کو اجاگر کرنے کے لئے اللہ تبارک تعالیٰ نے انبیاء علیہم السلام کی جماعت مبعوث فرمائی تاکہ وہ لوگوں کو اس مضمون کی تعلیم دے کہ ان کی کامیابی کا راز اللہ کے وضع کردہ قانون کی مکمل اتباع میں مضمر ہے جو ہر انسان کی جبلت اور فطرت کا مقتضی بھی ہے۔ تاریخ عالم کے مطالعہ اور غوروخوض سے اجمالی طور پر یہی بات آشکارا ہوجاتی ہے کہ ابنیاء علیہم السلام نے لوگوں سے اپنی ذات او رمفاد دنیوی کے متعلق کچھ بھی مطالبہ نہیں کیا بلکہ ان کو صرف اس بات پر آمادہ کرنے کی سعی اور کوشش کی کہ ان کا ظاہر وباطن ان احکام کے موافق ہوجائے جن کو اللہ نے ان کے لئے پسند فرمایاہے۔ لہٰذا عقلمند شخص وہی ہوگا جو اس مضمون کو سمجھے اور منزل کی طر ف صحیح راستہ اختیار کرے خواہ اس کے ساتھ اس پر چلنے والا کوئی اور ہو یا نہ ہو‘ اس کی پرواہ نہیں کرنی چاہئے کہ اس طرح میں لوگوں میں الگ تھلگ ہوجاؤنگا اور معاشرہ میں تنہا رہ جاؤنگا۔ چنانچہ انبیاء علیہم السلام شدید مخالفت اور مزاحمت کے باوجود اپنے موقف پر مضبوط قائم رہے
Sidebar
Page Thumbnails