سلسلۂ مواعظ حسنہ نمبر ۹۳غمِ حسرت كی عظمتشیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ خانقاہ امدادیہ اشرفیہ،گلشن اقبال کراچی
اہم نوٹ : سلسلہ مواعظ حسنہ کی کتب میں موجود عربی عبارتوں کو درست طور پر دیکھنے کے لیے نور حرا فونٹ نیچے دیے گئے لنک سے ڈاؤن لوڈ کر کے اپنے کمپیوٹر میں انسٹال کریں اور پھر مکتبہ جبریل کی سیٹنگ میں نور حرا فونٹ کو منتخب کر لیں ۔
http://bit.ly/2ckieYi
اس وعظ كا تعارف
جس طرح اللہ تعالیٰ کی ذات بے مثل اور عظیم الشان ہے اسی طرح ان سے منسوب ہونے والی ہر چیز عظمت والی ہے۔ اللہ تعالیٰ سے منسوب ہونے کی وجہ سے کلام اللہ یعنی قرآن پاک کو وہ عظمت حاصل ہے کہ دنیا کا کوئی کلام اس کی برابری نہیں کرسکتا۔ اللہ کے لیے کیے جانے والے نیک عمل کا اجر و ثواب اسی لیے بے بہا ہوتا ہے کہ اس کی نسبت اللہ سے ہوگئی۔ یہی وجہ ہے کہ اللہ کے لیے گناہوں سے بچنے میں جو تکلیف اٹھائی تو اس تکلیف کی عظمتوں کے سامنے دنیا کی ساری راحتیں سرنگوں ہیں۔
شیخ العرب والعجم عارف باللہ مجددِ زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’غم حسرت کی عظمت‘‘ میں ارشاد فرمایا ہے کہ اللہ کی راہ میں جس کسی نے غم اٹھاکر اپنی آدھی جان دی تو اللہ تعالیٰ اس غم کی برکت سے اس کو سینکڑوں جانیں عطا فرماتے ہیں اور اس پر بے شمار رحمتیں برسا دیتے ہیں۔