سلسلۂ مواعظ حسنہ نمبر ۱۳۰مقصدِ تخلیقِ حیاتشیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ خانقاہ امدادیہ اشرفیہ،گلشن اقبال کراچی
اہم نوٹ : سلسلہ مواعظ حسنہ کی کتب میں موجود عربی عبارتوں کو درست طور پر دیکھنے کے لیے نور حرا فونٹ نیچے دیے گئے لنک سے ڈاؤن لوڈ کر کے اپنے کمپیوٹر میں انسٹال کریں اور پھر مکتبہ جبریل کی سیٹنگ میں نور حرا فونٹ کو منتخب کر لیں ۔
http://bit.ly/2ckieYi
اس وعظ کا تعارف
انسان اس دنیا میں حیوانوں کی طرح محض کھانے پینے کے لیے نہیں بھیجا گیا۔ انسان کو حیوانات کی بہ نسبت عقل و فہم کی جو امتیازی خصوصیت دی گئی ہے اس کا مقصد یہ ہے کہ وہ اپنے تخلیق کرنے والے کو پہچان کر اس کو راضی رکھے اور اس سعی میں اپنی تمام تر قوتیں بروئے کار لائے۔ اللہ کی رضا اور ناراضگی کو پہچاننے کا طریقہ اس کے نازل کردہ دین اسلام کے احکامات میں موجود ہے۔
شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’ مقصدِ تخلیقِ حیات‘‘ میں اللہ تعالیٰ کی رضا و ناراضگی کو پہچانتے ہوئے اس کے دین پر چلنے کے نہایت آسان بلکہ بالطف طریقے بیان فرمائے ہیں۔ اس وعظ کو پڑھ کر انسان کو اللہ سے اپنا وہ ازلی تعلق یاد آتا ہے جو اس نے عالم برزخ میں اللہ کی ربوبیت کا اقرار کرکے کیا تھا جو اس کے تخلیق کے مقصد کو واضح کرکے اسے دنیا میں اللہ کی رضا کے حصول میں سرگرم اور سرگرداں رکھتا ہے۔