سلسلۂ مواعظ حسنہ نمبر ۳۷منزلِ قربِ الٰہیشیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ خانقاہ امدادیہ اشرفیہ،گلشن اقبال کراچی
اہم نوٹ : سلسلہ مواعظ حسنہ کی کتب میں موجود عربی عبارتوں کو درست طور پر دیکھنے کے لیے نور حرا فونٹ نیچے دیے گئے لنک سے ڈاؤن لوڈ کر کے اپنے کمپیوٹر میں انسٹال کریں اور پھر مکتبہ جبریل کی سیٹنگ میں نور حرا فونٹ کو منتخب کر لیں ۔
http://bit.ly/2ckieYi
اس وعظ کا تعارف
جس طرح دنیا میں رہنے کے لیے یہاں مختلف ممالک کی کرنسی ہوتی ہیں جو اپنی قیمت کے لحاظ سے مختلف ہوتی ہیں۔ اسی طرح آخرت کی سب سے قیمتی کرنسی اللہ تعالیٰ کی محبت اور قرب ہے جو بندہ دنیا میں حاصل کرتا ہے۔ یہ کرنسی حاصل کیے بغیر جو دنیا سے چلا گیا اس کی محرومی کا کسی صورت ازالہ نہیں ہوسکتا۔ جس طرح اللہ تعالیٰ کی ذات لامحدود ہے اسی طرح ان کو حاصل کرنے کا راستہ بھی لامحدو د اور طویل ہے۔تو اللہ تعالیٰ کی یہ محبت اور قرب کیسے حاصل ہو؟
شیخ العرب والعجم مجدد زمانہ عارف باللہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’منزلِ قرب الٰہی کا قریب ترین راستہ‘‘ میں اللہ کو حاصل کرنے کے مختصر راستے اور ان راستوں کو تیزی سے طے کرنے کے آداب اور طریقے بیان فرمائے ہیں۔ حضرت والا نے قرآن پاک اور احادیث مبارکہ کی روشنی میں اللہ تک پہنچنے کے مختصر راستہ کی جس طرح تشریح فرمائی ہے اس سے معلوم ہوتا ہے کہ اللہ تعالیٰ نے اس مضمون کو بیان کرنے کے لیے حضرت والا کوخاص مقام عطا فرمایا تھا۔