اہم نوٹ : سلسلہ مواعظ حسنہ کی کتب میں موجود عربی عبارتوں کو درست طور پر دیکھنے کے لیے نور حرا فونٹ نیچے دیے گئے لنک سے ڈاؤن لوڈ کر کے اپنے کمپیوٹر میں انسٹال کریں اور پھر مکتبہ جبریل کی سیٹنگ میں نور حرا فونٹ کو منتخب کر لیں ۔
http://bit.ly/2ckieYi
اس کتاب کا تعارف
دینی باتوں کی نشر و اشاعت کے مختلف ذرائع ہیں مثلاً بیانات، تحریریں اور نجی مجالس۔ یہ مجالس سب سے زیادہ مؤثر ہوتی ہیں کیوں کہ تکلفات اور حجابات سے خالی ہوتی ہے۔اسی لیے بزرگوں کے یہاں اس قسم کی مجالس کا معمول رہا ہے اور حاضرین ان مجالس میں عام مسلمانوں کو شریک کرنے کی غرض سے ان کو مرتب کرتے رہے ہیں ۔ حضور صلی اللہ علیہ وسلم کے بیشتر فرمودات یعنی احادیث مبارکہ بھی ایسی ہی مبارک مجلسوں کے مبارک ’’ملفوظات‘‘ ہیں۔
زیر نظر کتاب ’’باتیں ان کی یاد رہیں گی‘‘شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ کے حیدر آباد دکن (انڈیا) کے سفر کے دوران ہونے والی بابرکات مجالس کے ملفوظات و ارشادات کا مجموعہ ہے جو اپنے دامن میں قرآن،حدیث، فقہ و تصوف کے نایاب موتی سموئے ہوئے ہے۔ اس کتاب کو انڈیا کی ایک بڑی صاحب علم شخصیت جناب محمد رضوان القاسمی صاحب نے قلم بند فرمایا ہے۔ ان مجالس میں حضرت اقدس نے جس طرح حاضرین کو محبتِ الٰہیہ کی شراب پلا کر مستِ عشقِ حقیقی فرمایا اس کے باعث یہ مجالس ان شاء اللہ راہِ حق کے طلب گاروں کے لیے منزلِ حق کی جانب سفر تیز کرنے کا باعث ثابت ہوں گی۔