تفسیر نکات القرآن ( یونیکوڈ)
حضرت مولانا عبد الرحمن اشرفی صاحب تفاسیر - یونیکوڈ - غیر موافق للمطبوع AQFS احمدی مسلمان کتب 6348 صفحات
1.5 صفحہ 1 / 6348
صفحہ 1 / 6348
001:001 بِسْمِ اللَّهِ الرَّحْمَنِ الرَّحِيمِ ترجمہ: مقدمہ اللہ تعالیٰ کا احقر پر خاص کرم یہ رہا کہ ١٩٥٣ ء سے قرآن و حدیث کی تعلیم دے رہا ہوں۔ بڑی تمنا تھی کہ حق تعالیٰ ایسی تفسیر مرتب کرنے کی توفیق عطا فرمائے کہ جس میں متن قرآن پاک بھی نہ ہو اور اس کا ترجمہ بھی نہ ہو۔ صرف نکتے ہی نکتے ہوں کیونکہ ترجمہ اور متن قرآن پاک کو عام طلباء اور علماء سمجھتے ہیں انہیں صرف نکات کی ضرورت ہوتی ہے یہ نکات دراصل میں نے اپنے لیے مرتب کیے تھے تاکہ ہر سال خاص طور پر رمضان المبارک میں جو پورے قرآن پاک کا ترجمہ پڑھاتا ہوں اس میں آسانی رہے بعد میں سوچا کہ جو چیز میں اپنے لیے مفید سمجھتا ہوں دوسروں کے لیے بھی انشاء اللہ تعالیٰ مفید ہوگی۔ اس لیے اس کو طبع کرانے کا ارادہ کیا گیا۔ اگرچہ یہ تفسیر ابھی صرف سورة براءت تک کی ہے اللہ تعالیٰ مجھے مکمل کرنے کی توفیق نصیب فرمائے۔ مگر پھر بھی انشاء اللہ تعالیٰ اگر سورة براءت تک کے مضامین کو صحیح طور پر سمجھ لیا گیا۔ تو یہ سارے قرآن پاک کے حل کرنے کے لیے کافی ہوں گے۔ معارف القرآن حضرت مولانا مفتی محمد شفیع صاحب نور اللہ مرقدہ کے کل نکات سورة براءت تک میں نے لے لیے ہیں اس کے علاوہ حضرت مولانا محمد ادریس کاندھلوی صاحب (رح) ، حضرت حکیم الامت مولانا اشرف علی تھانوی صاحب (رح) کی تفسیر بیان القرآن سے بھی استفادہ کیا گیا ہے۔ والد صاحب (رح) حضرت قبلہ مفتی محمد حسن صاحب (رح) کے کچھ نکات بھی لکھے گئے ہیں اور حضرت مولانا شمس الحق صاحب افغانی (رح) خلیفہ مجاز حضرت قبلہ والد صاحب (رح) کے علوم سے بھی استفادہ کیا گیا ہے۔ خلاصہ یہ کہ جہاں اچھا نکتہ ملا لینے کی کوشش کی گئی ہے۔ اللہ تعالیٰ سے دعا ہے کہ اس تفسیر نکات القرآن کو اللہ تعالیٰ میرے لیے بھی ذریعہ نجات بنائے۔ آمین بحرمۃ النبی الکریم علیہ وآلہ والصلوٰۃ والتسلیم و برحمتک یا ارحم الراحمین ویا اکرم الاکرمین ویا اجود الاجودین۔ احقر عبدالرحمن خادم جامعہ اشرفیہ، لاہور ٨٧۔ ٤۔ ٩ بمطابق ١٤٠٧۔ ٨۔ ٩
Sidebar
Page Thumbnails