پیش لفظ
بسم اللہ نحمدہ و نصلی علی رسولہ الکریم۔
’’فقہی مضامین‘‘ کے نام سے یہ کتاب ان چند مضامین کا مجموعہ ہے جو گزشتہ سالوں میں جامعہ مدنیہ لاہور کے رسالہ انوار مدینہ اور دیال سنگھ ٹرسٹ لائبریری کے رسالہ سہ ماہی منہاج میں چھپتے رہے۔ اب ان مضامین پر نظر ثانی کی اور ضروری اصلاح کر کے ان کو یکجا کیا ہے۔ اگر اہل علم کو ان مضامین میں شرعی اعتبار سے کوئی غلطی نظر آئے تو وہ نشاندہی فرمائیں تاکہ آئندہ اصلاح کر دی جائے۔ اللہ تعالیٰ سے دعا ہے کہ وہ ہماری اس سعی کو محض اپنے فضل و کرم سے قبول فرمائیں اور اس کا ثواب ہمارے اساتذہ اور والدین کو پہنچائیں ۔
ہم کتاب کے کمپوزر جناب شاہد خاں صاحب اور کتاب کے ناشر جناب فضل ربی صاحب۔ ندوی کے شکر گزار ہیں ۔ ان کے بیش قیمت تعاون سے ہمیں حوصلہ ملا۔
آخر دعوانا ان الحمد للّٰہ رب العالمین
ربیع الثانی 1427ھ عبدالواحد
دارالافتاء
جامعہ مدنیہ، لاہور