سلسلۂ مواعظ حسنہ نمبر۱۳۱حصولِ ہدایت کے طریقےشیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ خانقاہ امدادیہ اشرفیہ،گلشن اقبال کراچی
اہم نوٹ : سلسلہ مواعظ حسنہ کی کتب میں موجود عربی عبارتوں کو درست طور پر دیکھنے کے لیے نور حرا فونٹ نیچے دیے گئے لنک سے ڈاؤن لوڈ کر کے اپنے کمپیوٹر میں انسٹال کریں اور پھر مکتبہ جبریل کی سیٹنگ میں نور حرا فونٹ کو منتخب کر لیں ۔
http://bit.ly/2ckieYi
اس وعظ کا تعارف
بدنظری کا گناہ عشق مجازی کے گناہوں کی منازل میں سے پہلی منزل ہے۔ یہ ایسا عظیم گناہ ہے جو زندگیوں کی زندگیاں تباہ کردیتا ہے۔ عاشقین مجاز دین و دنیا کے کسی کام کے نہیں رہتے، پاگل خانہ یا خودکشی ان کی آخری منزل ہوتی ہے، سوائے ان کے جو اس گناہ سے توبہ کرلیتے ہیں۔
شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ کو اللہ تعالیٰ نے حکم غض بصر کا امام بنایا تھا۔ آپ نے مسلمانوں کا ایمان تباہ کردینے والی اس بیماری سے امت مسلمہ کو بچانے کے لیے ساری زندگی اللہ کے حکم غض بصر یعنی نظر کی حفاظت کی نہایت دلسوزی کے ساتھ اشاعت فرمائی۔ حضرت کی اس مساعی کے نتیجے میں ہزاروں لوگ بد نظری اور عشق مجازی کے گناہ کی دلدل سے نکل کر راحت اور سکون کے سائے میں زندگی گزار رہے ہیں۔ حضرت اقدس کا یہ وعظ ’’ عشقِ مجازی عذابِ دو جہاں‘‘ بدنظری کے گناہ سے بچنے کے لیے نسخہ ٔ اکسیر کی حیثیت رکھتا ہے۔