عام فہم وبامحاورہ اُردو ترجمہ
میزانُ الصَّرف
﷽
تمام تعریفیں اس اللہ کیلیے ہیں جو تمام جہانوں کا پالنے والا ہے اور نیک انجام متقیوں کیلیے ہے نیز اللہ کے رسول حضرت محمدﷺ اور ان کی تمام آل واصحاب پردرود وسلام ہو۔
تو جان لے - اللہ تعالیٰ تجھے دونوں جہانوں میں نیک بخت کرے - کہ تمام گردان ہونے والے افعال کی تین قسمیں ہیں: ماضی، مستقبل اور حال ۔ اور جو کچھ ان تینوں کے علاوہ ہے وہ بھی ان تینوں سے نکلا ہواہے۔ بہر حال ’’ماضی‘‘ اُس فعل کو کہتے ہیں جس کا تعلق گزرے ہوئے زمانے سے ہو اور اس کا آخری حرف ، سوائےمجبوری کے، ( ہمیشہ) فتحہ پر مبنی ہوتا ہے خواہ اس کے حروف کم ہوں یا زیادہ ۔ جیسے فَعَلَ، فَعِلَ، فَعُلَ، فَعْلَلَ مثلاً ضَرَبَ ، سَمِعَ ، کَرُمَ، بَعْثَرَ ۔ اور ’’مستقبل‘‘ اس فعل کو کہتے ہیں جس کا تعلق آنے والے زمانے سے ہو اور اس کا آخری حرف، سوائےمجبوری کے، ( ہمیشہ) مرفوع ہوتا ہے۔ جیسے یَفْعِلُ، یَفْعَلُ ،یَفْعُلُ، یُفَعْلِلُ مثلاً یَضْرِبُ، یَسْمَعُ، یَکْرُمُ، یُبَعْثِرُ۔ اور’’حال‘‘ اس فعل کو کہتے ہیں جس کا تعلق موجودہ زمانےسے ہو اور حال کا صیغہ مستقبل کے صیغے کی طرح ہوتا ہے۔
ان ماضی اور مضارع میں سے ہر ایک سے چودہ صیغے نکلتے ہیں: تین مذکر غائب کے، تین مؤنث غائب کے، تین مذکر حاضر کے، تین مؤنث حاضر کے اور دو متکلم کے۔ متکلم کے پہلے صیغے میں مذکر اور مؤنث برابر ہوتے ہیں اور متکلم کے دوسرے صیغے میں تثنیہ، جمع، مذکر اور مؤنث برابر ہوتے ہیں نیز ان ماضی اور مضارع میں سے ہر ایک کی دو قسمیںہیں:معروف اور مجہول پھران میںسے بھی ہر ایک کی دو قسمیں ہیں:اثبات اور نفی ۔
بَحْث اِثبات فعل ماضی معروف:
میزان الصرف ۔ عام فہم و با محاورہ اردو ترجمہ
صفحہ 1 / 32