سلسلۂ مواعظ حسنہ نمبر ۱۲۳قلبِ عارف كی آه و فغاںشیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ خانقاہ امدادیہ اشرفیہ،گلشن اقبال کراچی
اہم نوٹ : سلسلہ مواعظ حسنہ کی کتب میں موجود عربی عبارتوں کو درست طور پر دیکھنے کے لیے نور حرا فونٹ نیچے دیے گئے لنک سے ڈاؤن لوڈ کر کے اپنے کمپیوٹر میں انسٹال کریں اور پھر مکتبہ جبریل کی سیٹنگ میں نور حرا فونٹ کو منتخب کر لیں ۔
http://bit.ly/2ckieYi
اس وعظ كا تعارف
اللہ تعالیٰ نے حضرت اقدس مولانا شاہ حکیم محمد اختر صاحب رحمۃ اللہ علیہ کو اپنے عشق و محبت کی آگ میں ایسا جلا بھنا دل عطا فرمایا تھا جس کی مثالیں خال خال ملتی ہیں۔ حضرت اقدس نے اللہ کی اس محبت کو نشر کرنے کے لیے ملک ملک کا سفر فرمایا اور سارے عالم میں لاکھوں لوگوں کو نہ صرف خدا کا دیوانہ بنایا بلکہ دیوانہ ساز بھی بنایا۔
بن کے دیوانہ کریں گے خلق کو دیوانہ ہم
برسرِ منبر سنائیں گے ترا افسانہ ہم
شیخ العرب والعجم عارف باللہ مجدد زمانہ حضرت اقدس مولانا شاہ حکیم محمد اختر صاحب رحمۃ اللہ علیہ نے اپنے وعظ ’’قلب عارف کی آہ و فغاں‘‘ میں اپنے دل میں اللہ کی محبت کے انمول خزانے کو جس طرح بے اختیارانہ انداز میں بیان فرمایا اس سے ظاہر ہوتا ہے کہ یہ آپ نے خود نہیں کہا بلکہ آپ سے کہلوایا گیا ہے۔ کبھی ایسا بھی ہوتا ہے کہ اللہ تعالیٰ اپنے خاص بندوں کا اعلیٰ مرتبہ ظاہر فرمانے کے لیے خود ان کے منہ سے کچھ ایسی باتیں بیان فرمادیتے ہیں تاکہ لوگ ان کا مرتبہ پہچان کر ان سے زیادہ سے زیادہ استفادہ حاصل کریں۔